وجه نجم الأهلي رسالة مؤثرة بعد إصابته في مباراة إنتر ميامي.
وكتب عبر انستجرام: ربنا يبدل الخوف طمأنينة، والشتات هداية، والوجع أجر، بس لازم تصبر وتثق أن مع العسر يسرا
مقال مقترح: مفاجأة من المحكمة الدولية بشأن شكوى بيراميدز ضد الأهلي
وكشف الإعلامي أحمد شوبير تفاصيل لقائه مع إمام عاشور نجم النادي الأهلي بشأن إصابته في مباراة إنتر ميامي.
وقال الإعلامي أحمد شوبير خلال تصريحات إذاعية: “التقيت مع إمام عاشور بالأمس، وشرح لي تفاصيل إصابته، إمام قال لي إنه مكنش حاسس بحاجة وعملوا العملية بشكل جديد، وإنه كويس وبياخد مسكنات قوية شوية، وزوجته انتقلت معاه للفندق”
وتابع: “كلمني عن أحلامه في البطولة مش الاحتراف، وقال لي إنه كان جاى بطموحات كبيرة جدًا”
وأضاف: “شرح لي تفاصيل الإصابة، وقال أنا لما وقعت محستش بحاجة، بس لما وقع عليا اللاعب حسيت بطرقعة كدا في كتفي”
اقرأ كمان: مباراة الأهلي ضد باتشوكا الودية القنوات الناقلة
وواصل: “لما جالي الانفراد وكنت بجري مكنتش حاسس بدراعي من الألم خالص، كان وجع رهيب جدا، كنت عايز أعمل الـ R2، بس مقدرتش خالص وجسمي مساعدنيش”
وختم حديثه: كان نفسي أكمل البطولة والمباراة دي، زعلان جدا عشان التعادل، وكنا قريبين جدا من الفوز، وفي كل الأحوال راضي بقضاء ربنا، وأقل من شهرين وأرجع الملعب، والمباراة اللي جاية هروح المدرجات أتفرج عليها، بس أنا أعصابي مش مستحملة، وبعد عشرة أيام من العملية هيبدأ التمرين الخاص بالعلاج الطبيعي