علق الفنان أحمد زاهر على الحالة الصحية التي تمر بها ابنته ملك، إثر وعكة مفاجئة استدعت نقلها للمستشفى لتلقي العلاج.
شارك أحمد زاهر عبر خاصية “الاستوري” على حسابه في إنستجرام رسالة مؤثرة دعا فيها لابنته بالشفاء، حيث قال: “يا رب أنت الشافي يا رب”.
مقال له علاقة: ترحيل فوري من السعودية لكل من يرتكب هذا الفعل!
أحمد زاهر يطلب الدعاء لابنته
في سياق متصل، كشفت ملك أحمد زاهر عن تفاصيل حالتها الصحية عبر حسابها الرسمي على إنستجرام، حيث قالت: “عمري ما بنزل إلا الحاجات اللذيذة والهزار والإيجابيات، لكن حبيت أتكلم بجد المرة دي. حاسة إن في الفترة الأخيرة بتجيني تعليقات كلها ‘إنتي عايشة ومبسوطة وإحنا مش عايشين’، وبصراحة الناس بقت تركز في أتفه الأشياء اللي بتبسطني، زي إني أروح الجيم أو أخرج مع صحابي”.
وأضافت ملك: “أنا بقالي 3 أيام تعبانة وعندي حالة لحد دلوقتي الأطباء مش قادرين يفهموا سببها. جات فجأة، وأنا قبلها بنص ساعة كنت زي الفل. ومن وقتها مش قادرة أنزل أو أظهر، ونفسيتي تعبانة جدًا”.
وأوضحت ملك: “أنا بكتب الكلام ده علشان الناس تعرف إن حياتي فيها الحلو والوحش زي أي حد، بس كنت دايمًا أحب أشارك الحاجات الحلوة فقط. لكن قررت أشارك كمان اللحظات الصعبة.. الحمد لله أنا راضية وأقول يا رب إن شاء الله تكون حاجة بسيطة وهخف قريب”.
مقال له علاقة: تأخير رواتب المتقاعدين في العراق يونيو 2025 مفاجآت جديدة
واختتمت ملك أحمد زاهر رسالتها قائلة: “أنا مش بكتب الكلام ده علشان أقلق الناس، بس نفسي الكل يبطل يحكم على حياة الناس من السوشيال ميديا، لأن اللي بيظهر عليها مش أكتر من 20% من الحقيقة.. ادعولي أخف بسرعة، وأنا الحمد لله تمام، مفيش حاجة خطيرة، بس حبيت أكون صريحة وأشارككم كل حاجة”.