قال الرئيس عبد الفتاح السيسي، خلال كلمته في حفل تخرج الدورة التدريبية الثانية لوزارة الأوقاف بالأكاديمية العسكرية، متحدثًا عن الإيمان بالله:”هتخسر كتير جدًا لو فاتك رضا ربنا، ولو ما نلتش شرف الإيمان به وذكره.”
وأضاف: “حاولنا نؤدي دورنا، وهناك دور قادم مكمل ليكم أنتم، وأتمنى لكم كل التوفيق، وأتمنى أن يكون جميع المصريين على قلب رجل واحد في بناء الإنسان، مش بس من الناحية الدينية، لكن في كل جوانب الحياة.”
وأشار الرئيس السيسي إلى أهمية الاستفادة من المساجد بشكل أوسع، قائلاً:
“لدينا عدد ضخم من المساجد، لكن عدد المدارس أقل، زمان كانت المساجد بتُستخدم في كل شؤون الحياة، ليه النهاردة ما نستغلهاش؟ المساجد بتشتغل 10 دقايق في كل صلاة، نقدر نستخدم بعضها في تعليم ولادنا، مش لازم نفصل بين الجامع والمدرسة، نقدر ندمجهم.”
وتابع الرئيس: “في أمور كتيرة محتاجة تفكير أعمق. إعداد خطبة كويسة ومبسطة شيء مهم، لكن الأهم هو التعامل مع الواقع اللي اتغير، والتطور اللي حصل حوالينا. لو ما كنتش جزء من التطور ده، هتكون بتتكلم بلغة وخطاب قديم.”
وأكد الرئيس السيسي على أن التغيير لا يمس الثوابت، قائلاً: “التاريخ بيتغير كل يوم، بس محدش قال إن الثوابت والعقيدة ممكن حد يقرب منها. التحدي هو إنك تواكب التغير وتتعامل مع لغة جديدة انتشرت على السوشيال ميديا. مش نرفضها، لكن نفهمها ونتفاعل معاها.”
كما تطرق الرئيس إلى تراجع استخدام اللغة العربية، قائلًا: “الناس شايفة إن العربية مش لغة العصر، وإن اللغات التانية هي اللي مرتبطة بالمعرفة، وده خلى أولادنا يبعدوا عنها، لكن مينفعش نسيب لغة القرآن تضيع، لازم تفضل جزء من حياتهم.”
واختتم الرئيس كلمته بقوله: “كل سنة وأنتم طيبين، وربنا يوفقكم جميعًا ويبارك في جهودكم وجهودنا، ويجعلنا دايمًا في خدمة الحق والخير والإنسانية.”