فتحي عبد الوهاب يفضل عدم رؤية العمل أثناء التصوير
كشف الفنان فتحي عبد الوهاب عن أنه لا يفضل مشاهدة أعماله أثناء فترة التصوير لأنه يرى نفسه في تلك اللحظات بصورة غير مرضية ويشعر أن أدائه يفتقر إلى الجودة
وقال خلال لقائه مع الإعلامية لميس الحديدي في برنامج كلمة أخيرة على قناة ON: “ده ليه تفسير عندي… لأن المخزون الداخلي للشخصية والمشاعر اللي المفروض أعبّر عنها بيكون لسه موجود جوايا، فلما أشوف المشهد بحس إن اللي طلع أقل من اللي جوايا وده بيخليني أشك في الأداء ويعمل لي مشكلة لو شفت الشغل وأنا لسه بصوره”
وعن رأيه في مسلسل “ظلم المصطبة”، قال إنه تابع العمل وأشاد بتجربته مؤكدًا أن المسلسل كان واقعيًا وحقيقيًا في تفاصيله ووجّه الشكر للمخرج هاني خليفة رغم مغادرته للمشروع
وأضاف:”أنا مش معترض على مغادرة هاني خليفة لأنه العلاقة بين الإخراج والإنتاج دايمًا ملتبسة زي الأب والأم اللي بيتخانقوا والولاد مش عارفين بيتخانقوا على إيه”
وأكد فتحي عبد الوهاب أن هاني خليفة لعب دورًا مهمًا في إرساء ملامح العمل قائلاً: “الفضل ليه في إنه أسس العالم اللي كتبه أحمد فوزي صالح ومحمد رجاء، صور ست حلقات ومشاهد من شغله فضلت لحد الحلقة التاسعة والعاشرة حتى أغنية التتر كانت من رؤيته”
وأشار إلى أن العمل نجح في تقديم واقع حقيقي بلا أي مبالغات:”كل حاجة كانت قائمة على الورق ما شوفناش حدث أو جملة خارجة عن السياق وده اللي خلّى المسلسل صادق وقريب من الناس”